前幾日係瑞典國慶日，好多香港有頭有面之人都畀面出席酒會，特區政府冇咗兩個巨頭，於是重任就落喺孫公身上，孫公𠵱家既係房屋、規劃及地政局局長，亦係署理政務司司長。
八方聽聞孫公喺台上致辭嘅時候，忽然間講咗句，話香港同瑞典相同嘅地方，就係有一個強而有效嘅管治，此語一出，台下嘅貴賓為之側目，你眼望我眼，差啲笑咗出嚟。孫公咁樣夾硬屈人哋瑞典政府同香港政府一樣，好彩人哋大方冇嬲咋！
又八方日前撞到王國興，佢話嫻姐同鄺大狀去咗台灣開勞工會，等佢兩個返香港再會傾提名畀邊個。工聯會理事長黃國健話，佢哋唔強制三個立法會議員提名煲呔，總之佢哋可以自由提名啦。
傳真︰2623-9278
電郵︰[email protected]