黃泆潼、吳文忻、陳穎妍、陳霽平及唐詩詠等昨齊齊出席美胸活動，提到日前有隆胸女子手術後爆胸一事，擁有Ccup身材的黃泆潼坦言曾想隆胸，而吳文忻則認為胸部如太陽蛋般結實便最洽當。
黃泆潼、吳文忻、陳穎妍、唐詩詠和陳霽平昨日齊到尖沙嘴，出席一個美胸活動，與現場嘉賓分享豐胸心得，並以生果炮製多款豐胸特飲。提到日前有女子做隆胸手術後發生爆胸事件，吳文忻、陳霽平與陳穎妍都指當事人很可憐。
偏愛高瘦平
吳文忻說：「睇完段新聞覺得好驚同好慘，一個九十磅女仔做成Ccup係好核突，我自己鍾意高瘦平，無奈我唔高，而且由Acup變Ccup太誇張，豐胸意思係要令胸部結實啲，好似將一個散咗嘅荷包蛋變成一個完整嘅太陽蛋咁，最緊要平均。」
而擁有Ccup身材的黃泆潼則透露曾有意隆胸，她說：「之前係有同朋友傾過想隆胸，因為𠵱家趨勢係要大，但後來覺得自己size都好平均，唔需要加工。」若男友要求她令身形再豐滿些，可會考慮隆胸？黃泆潼說：「要睇個男友值唔值得喇。」
喜獲邀豐胸
此外，唐詩詠昨即場獲美容公司邀請參與升cup計劃，令她喜出望外，她表示因身形偏瘦，所以上圍尺碼亦比較小，在銀幕上會較其他女星蝕底。唐詩詠說：「我咁瘦，胸部咁細都正常，𠵱家我係Acup，都希望可以有33B或者C，令自己多番啲肉，睇落去豐滿啲。」
採訪：馮美茵 攝影：仇志德