啱啱做咗民建聯常委嘅政協蔣麗芸，噚日上咗曾蔭權競選辦，但就唔肯講去做乜，重反過來話啲記者多事㖭！都幾大牌㗎，做記者梗係要問問題啦，芸姐咁講嘢真係幾廢話。
佢之後同記者講，話自己一早已經交咗提名，今次上去競選辦，總之一定唔係交提名咁話喎！班行家惟有斷估，唔知芸姐係咪簽錯提名表，搞到要上嚟多一轉補鑊？
重有一個禮拜補選特首提名就到期，八方問煲呔競選辦公室嘅發言人，佢位參選人𠵱家攞到幾多票，佢哋就好神秘話唔講得，好似提名票係絕密一樣，其實使乜咁緊張，心水清都數到，除非有人口講一套，做又一套，最後唔畀票啦。
傳真︰2623-9278
電郵︰[email protected]