唔識網語即刻886!

今時今日，上網已經係香港人的指定動作，唔識上網簡直要俾社會淘汰！如果你上網睇嘢，又或者同朋友仔Chat緊、喺Newsgroup留言但係又唔識用啲常用網絡用語的話，一樣會俾網友掟出網外！如果你重未知886點解、ttyl係乜、牡丹樓喺邊度，唔該快啲Update吓自己！

記者：黃藹瑩
攝影：梁細權
Models：阿蚊（Salvador）、Ken

真人發聲版

LG，我哋去食放題啦！

LP，都係去牡丹樓啦!!

我哋下一囗去邊？
唔……我重諗ing！

咦！有個素人經過喎!!
喂！做咩望女仔呀？

死嘢！你咪諗住9394!!

咪咁啦!!!1437!!

快速互Chat誕網語

一般嚟講，網絡用語多數都係說話嘅簡寫，上網同FriendChat又好、留言又好都有一個大原則—就係要快！所以趕得切在朋友下一句回覆前極速打完的網絡用語，就最流行。

潮星揀網語

阿Yan：「我都係近呢兩年先至上多咗網，有時有啲字眼都唔係好明白。最潮嘅網絡用語我就會揀ttyl，因為夠晒方便！」

Kary：「平日用ICQ同啲Friend傾偈時會用網語，有時睇吓啲Fans喺網上留言都見到好多呢啲用語！至於最潮的網上用語我會揀b4，因為我自己都成日用。」

少爺占：「最潮的網上用語一定係bb啦！呢兩個字好好用，你知啦，講Bye-bye好似好絕情咁，用bb就親民啲，對住咩人都用得。」

■好多香港人都鍾意睇日本雜誌，就係咁日文漢字好似「激安」、「花火」、「物語」等字都喺香港流行起來。

街頭直選：CU最常用！

Jane「CU最正!!夠晒簡單，又直接，係人見到都會明。」

Jessica「我揀CU係因為我只係聽過呢個字，佢一定係非常之Popular！」

YoYo「呢個自己成日都會用，所以我覺得係最值得推介!!話『唔講啦』又好似無咩禮貌，用ttyl人哋睇落都舒服啲！」

Mandy係唯一一個力撐日文的人：「我比較崇日，所以揀『放題』，而且呢兩個字真係成日都見到。」

文化人：好似的士台！

現時擔任鳳凰衞視《網羅天下》的主持人梁文道話：網絡用語起初就好似的士台啲司機圍內溝通的術語，俾Forum內的人睇，只不過Internet係一個開放的地區，任何人都可以去睇，就係咁呢啲網絡「術語」至會愈來愈多人用。
網絡用語喺中港台呢三個地區的發展略有不同，梁文道指，鑑於中國內地的政治敏感理由，好多時網管（網絡監管）都會Block咗某些字眼嚟使用。例如「法輪功」，網民惟有用拼音表達成FLG（FaLunGong），所以國內的網絡用語都會比其他兩個地區更豐富同更多變化。