香港大學經濟及工商管理學院副院長周蔭強，係研究資訊系統嘅專家，最新一期《資訊系統協會會訊》公布一份排名報告，顯示周教授喺九九年至○三年期間，共有十二篇研究文章喺全球十二本頂尖資訊系統學術期刊上登出。
佢係頭十名獲刊載最多數目論文嘅學者中排第八位，亦係唯一一位來自亞洲嘅大學學者，即係周教授喺呢個排名榜中唔單止係香港第一，重係亞洲第一。
周教授獲此殊榮，噚日話感到十分鼓舞，佢透露𠵱家正進行一項中國公司點樣利用互聯網科技改善公司運作效率，佢希望呢項研究成果，可以幫助內地企業增強競爭力。
傳真︰2623-9278
電郵︰[email protected]