大家都知道，程翔有好多老同學係政府高官，好似馬時亨咁，佢都認自己識咗程翔好耐，重有時成班舊同學一齊食飯，當然好關心程翔嘅情況，亦相信特區政府同李少光會幫佢，而作為佢嘅同學，大家都為程翔祈禱。
至於有人話程翔患有高血壓，佢話就唔知情。
八方聽聞程翔家人好想將一啲血壓藥送上北京，但係冇人受理，連中聯辦都話轉交唔到畀程翔，真係唔知點算好。
馬仔最近上過北京，見到好多財金官員，佢話香港目前嘅勢頭好好，雖然特首出缺，都冇人喺度搞搞震。
而喺噚日立法會，大班問政府有幾多位局長有內地車牌，呢個問題竟然關馬仔事，佢話只有三個，就係李少光、冬冬同埋肥平，大家都係作公事用途，而且好少用，大班梗係話浪費啦，但係以備不時之需，都要有嘅。
傳真︰2623-9278
電郵︰[email protected]