由胡恩威同林奕華聯合編導嘅西九龍皇帝由於首輪上演口碑甚佳，連煲呔睇完都話好玩，東宮西宮決定徇眾要求，下個月二十二日起，移師到演藝院歌劇院添食二十幾場。
八方問胡恩威乜嘢係加強版，佢笑話實有驚喜畀大家，其中一個新加環節叫做推銷員之死，咁煲呔自比為係一位孤獨嘅賣藥佬，莫非……當然係要入場睇先講畀你聽啦。胡編導話，最近發生咁多變化，大把新料，佢最想煲呔帶埋助選團去睇，包括寶哥哥同肥龍，一定有意外收穫。
八方數一數，七月已塵埃落定，到時煲呔成為新的特首，東宮西宮應該識得睇住嚟玩，當然經過今次小圈子選舉，佢老哥已經唔怕俾人玩啦。
傳真︰2623-9278
電郵︰[email protected]