早排經紀黃提過紡織股受壓，可能係收貨好時機，但佢好似數漏德永佳（321），隻股股價亦受影響偏軟，不過大家若再睇真啲，就知德永佳近年銳意發展大陸零售業務，零售業務在未來數年將超過原本的紡織製造生意，成為盈利的主力，成為半隻零售股。
所以，家陣中國與歐洲及美國所引起的紡織品出口紛爭，德永佳應該唔會受太大影響。德永佳股價早前由7元樓上跌落嚟，最低見過5.95元，近期由低位回升，昨日升0.77%，收6.50元。
明豐業績交到功課
冷門珠寶股明豐珠寶（860）昨日公布截至今年3月底中期業績，盈利2690.9萬元，比起去年同期增長26.64%,，中期息派0.3仙。明豐上市都有兩三年時間，但一直不為市場注意，所以成交甚為疏落，但業績起碼叫做交到功課，兼且又有息派，以細價股嚟講算唔錯。明豐昨冇升跌，收0.34元。
慕容小初