伍詠薇、苑瓊丹及陳彥行等昨日為無綫新處境喜劇開廠拜神，因為行姐在劇中的衣着比其他女主角性感，所以其他四人笑指已視行姐做「公敵」，但行姐就說並不介意，還覺得這是善意批評。
伍詠薇、滕麗名、苑瓊丹、陳彥行和韓君婷等昨日在無綫將軍澳電視廣播城，為以外國劇集《色慾都巿》做藍本的處境喜劇開廠拜神。
分享美容心得
伍詠薇、苑瓊丹和陳彥行不約而同穿上小背心到場，滕麗名因為在劇中扮演女警，所以打扮較為密實，問她可擔心蝕底難出位，滕麗名說：「我哋夾晒，都唔會擔心，伍姑娘會着多啲deepV，苑仔露手臂同膝頭，韓君婷露膊頭，行姐就會着多啲小背心，因為佢身材好。」滕麗名表示行姐因為劇中形象性感，加上御准可以性感，所以已成為大家的「公敵」。
問到劇集女藝人多，是否亦多是非，滕麗名說：「冇喎，我哋幾個女仔行埋都講美容同食嘢，之前拍一場狗仔生日會戲，我哋都帶咗自己隻狗去，賺咗嘅錢就攞嚟買嘢食。」
出動私伙手表
對於成為眾姝「公敵」，行姐說：「呢件都係開心事，係『索』同『正』先成為『公敵』，呢個係善意批評。我喺戲裏邊好多狂蜂浪蝶，但現實生活就冇，苑仔重幫我搵對象。」
此外，伍姑娘表示會出動私伙手袋與手表拍劇，問她擔不擔心失竊？她說：「唔怕，因為呢啲物件會長期戴喺身，而且我又有助手幫手，我會拍十三集，會用十三隻表。」
