炭燒煮，取其香噴噴熱辣辣有食味，缺點是弄得一身油煙味；鐵板上，取其「咋」一聲就可加熱醬汁，缺點是「咋」一聲過後鐵板瞬即降溫。為解決這問題，有新店特別從美國訂製大烤爐、用微煙炭炭燒食物、用貴價鐵板上菜，無非為食客提供舒服環境享受一頓熱辣辣鐵板菜，先莫問味道，揼本誠意已值滿分。
記者：周頌堯
攝影：黃子偉
模特兒：Katie、Isa
燒烤爐爐架可升降
「Craft」位於Soho區，紅磚木門落地玻璃，典型美式餐廳風格，食物以即叫即燒的炭燒扒類為主。店子從美國訂製燒烤爐，爐架可調校高低方便控制火路，大廚Chris解釋：「香港燒味店多數用煤氣爐，容易燒燶食物之外重會令肉類變質，燒出嚟嘅食物會失去水份同原味。」「Craft」的燒烤爐則用炭或木條生火，內側還有4吋厚磚牆能抵受攝氏過千度高溫，記者試過親身走近，絲毫不覺㷫烚烚。
優質鐵板保溫力強
為減少燒扒時出現的油煙，Chris特別選購一種美國炭作燃料，此炭燃燒時會釋放橡木氣味，只會散發微煙，配合店子絕佳的通風系統，保證不會烏煙瘴氣。好了，解決完油煙，論到扒類端上桌後的保溫問題，Chris道：「普通鐵板要先燒㷫再放扒，我哋就用法國STAUB鐵板，優點係唔使事先㷫熱，扒類一上板就有保溫效果。」
揼本三寶
1.燒烤爐控制火路
身價15萬，爐側有大圓盤可調校爐架高低，視乎客人要求扒類幾多成熟，熟一點調校低一點，生一點調校高一點，最低可低至3吋，最高可高至18吋。
2.美國炭釋煙量小
比我們BBQ用開的黑炭貴2成，特點是只會釋放微量煙絲，不會弄得地方烏煙瘴氣。
3.貴價鐵板保溫佳
店子用法國名牌STAUB鐵板上菜，每塊鐵板價值超過$1,000，優點是不用加熱已有保溫效果。
Craft（25260999）
地址：中環蘇豪伊利近街20號地下
營業時間：星期一至星期日12:00nn至11:00pm
座位：54個
