一班樂壇新人前晚齊齊現身新城音樂會，頓成前輩的方力申大讚黎明和雷頌德力捧的新人衛蘭（Janice）和側田，十分識做。而Janice坦言有黎明撐腰，確是比其他新人着數。
今年樂壇湧現大班實力派新人，前晚新城電台在尖沙嘴舉行「997新城勁爆音樂風」，找來方力申、戴夢夢和鄧穎芝帶領一班新人包括衛蘭、應昌佑、藍強、葉宇澄、謝安琪、蔡汶家、梁雨恩、組合Krusty、SOLER和Bliss等演出。
睇人準過Paco
方力申在新人面前頓變前輩大哥，他說：「咁快做老前輩？撐樂壇我未夠能力，撐起個騷我都重可以，我認得晒所有新人㗎。」方力申表示新人當中，最留意衛蘭和跟他同公司的側田，二人都是其老友雷頌德力捧的歌手，方力申說：「側田幫古巨基演唱會做和音時，我已經留意佢，我叫雷頌德介紹畀我識，重早過Paco（黃栢高）留意佢，想佢教我兩招，佢唱啲歌咁好聽。」
方力申覺得今年的新人均唱歌了得，他說：「叫佢哋要畀心機，年資唔代表一切，唔一定會受人尊重，我都要畀心機，怕俾人淘汰。我入行時時機好好，新人唔多，我要珍惜亦要增值。」談到其緋聞似乎較惹人關注，方力申說：「我唔覺得，人哋鍾意知人嘅衰嘢，唔知好嘢好正常，好多人都同我講工作㗎。」
聽黎明勸戒煙
Janice表示已認識大部份新人，問她有黎明撐腰會不會較着數，Janice說：「會，好少少啦，我好幸運。」早前Janice被拍得在街頭抽煙，及後黎明（Leon）勸喻她戒掉，Janice說：「戒咗啦，Leon有提醒我小心啲，我以後都唔食，要做乖女，我唔大癮，好易戒啫。」
採訪：魯萍
攝影：林德雄
