噚日台灣亞都麗緻大飯店總裁嚴長壽去港大主講「品牌、品味、品質，城巿的魅力來自哪裡？」簡而言之，嚴總裁認為一個城巿要有吸引力，唔可以淨係靠抄，例如國內城巿想抄上海新天地、香港抄迪士尼樂園，始終未必夠保存自己古老、獨有文化咁有魅力。
呢個由星級學者龍應台主持嘅講座幾乎坐滿黃麗松講堂，其中特區政府民政事務局竟然有二十一個官員「踩場」，包括好多政務專員同助理署長級人馬。佢哋阿姐常任秘書長李麗娟話，局長何志平去年在北京聽過嚴先生演講，非常欣賞，之但係佢噚日唔得閒，所以由阿姐率領手下二十個官員嚟學吓嘢，認真係大陣仗。講座完結之際，眾人媽打起身盛讚講座內容，重話會返去向「我哋個肥佬」、即係向何志平反映溝通。
爆料熱線：29290000、27860099
報料傳真：26239278
報料電郵：[email protected]