蔣怡（CoCo）、利嘉兒、Miki與Stephy昨日出席新城節目《一個靚墟》的記者會，稍後各靚女會為該節目擔任嘉賓主持，對於首次做電台主持，CoCo說：「都幾緊張，我怕我自己啲發音唔係好正，同埋我講嘢都好慢，我會講吓整甜品同去旅行嘅經驗。」
舉行睡衣派對
而Miki與Stephy則會在節目中大玩瘋狂遊戲，又笑言不排除會舉行睡衣派對，Stephy說：「可能重會講吓女仔之間好親密嘅話題。」提到是否互爆初夜經驗，兩人即異口同聲說：「咁又唔係，我哋都冇嘢好爆。」Miki說：「最多都係講吓以前拍拖嘅經歷啫。」
此外，最近有消息指內地藝人的電話號碼遭人放上網，問兩人曾否被電話騷擾？Stephy說：「我最近真係俾人騷擾，成日一班人打嚟笑又唔出聲，好煩。」
採訪、攝影：胡比