日本中性妖男Gackt為今年夏天上映嘅電影版《機動戰士ZGundam－星空繼承者－》唱主題曲，全城矚目，Gackt喺ＭＶ入面重駕駛高達喺太空戰鬥，非常有型！
自認係《機動戰士》迷嘅Gackt，拍攝電影版《機動戰士ZGundam－星空繼承者－》主題曲《Metamorphoze》嘅細碟封面時，大玩cosplay，變身《高達》系列中亦正亦邪嘅馬沙。
不過喺ＭＶ入面，Gackt就以另一個形象出現，佢着住套白色戰鬥制服，坐喺駕駛艙入面，原來佢變咗代表正義一方嘅地球聯邦軍，做咗機動戰士高達嘅駕駛員。
死得轟烈
最特別嘅係ＭＶ將Gackt真人演出嘅片段同卡通場面互相穿插，喺呢個巧妙安排下，Gackt真係好似駕駛緊高達咁，喺太空同敵方嘅渣古機械人決鬥，但最後Gackt駕駛嘅高達俾敵人炸到粉碎，Gackt重死喺駕駛艙度，場面都好轟烈㗎！