郭富城前晚舉行的尾場個唱圓滿結束，他表示連續舉行兩次演唱會，令體重急跌二十磅，消瘦得不敢照鏡。然而，城城付出有價，個唱贏得口碑，故他亦不介意被指靠個唱起死回生。
郭富城一連五場的「飛越舞林演唱會」二部曲前晚圓滿結束，當晚全場爆滿，觀眾反應熱烈，而到場欣賞的藝人包括有蘇永康、梁漢文及薛凱琪等等。
連續兩晚失眠
城城在個唱中演奏色士風時，在台上說：「我由唔識吹到識，吹到隻眼爆微絲血管，不過最後都克服到。」他又有感而發地說：「做咗咁多年歌手，我成日都問自己，啲fans會支持自己幾耐，有時會迷失方向。但當我見到唔同嘅fans支持自己時，就會搵番方向，呢兩晚我都瞓唔着，好唔捨得，希望大家都唔會忘記呢個晚上。」
城城完成個唱後即移師佐敦一酒店慶功，只見城城比之前明顯消瘦，他稱由去年十一月舉行第一部曲演唱會至這次第二部曲，體重勁跌二十磅，他說：「我一共瘦咗二十磅，𠵱家得一百二十一磅，我每次做完演唱會都唔敢照鏡，怕見到自己太瘦個樣，冇法啦，消耗嘅體力真係好多。」
城城今次個唱口碑不俗，令他人氣反彈，對於被指藉個唱起死回生，城城說：「我唔介意，習慣咗有唔同聲音。人哋覺得唔好，可能自己真係有啲唔好，應該虛心接受人哋嘅意見。」
紀香無暇欣賞
此外，城城去年邀請緋聞女友藤原紀香來港欣賞其個唱，今次卻未見她的蹤影，城城說：「佢好似唔喺日本，有機會email啲相畀佢睇。」
採訪：胡比 攝影：葉君海
