劉德華昨日以其慈善基金會名義，捐出十萬元支持「全港學童護眼大行動」，華仔透露未做矯視手術時，要戴隱形眼鏡拍通宵戲，苦不堪言。而他早前做例行身體檢查時，驗出膽固醇過高，被迫戒口。
劉德華昨日以「護眼之星」身份，在九龍城亞皆老街醫管局行政大樓出席「全港學童護眼大行動」，華仔以其慈善基金會的名義率先捐出十萬元支持是次行動。
膽固醇過高
華仔在活動上提到護理眼睛的重要，並透露在七、八年前已進行矯正視力手術，他說：「我係同關之琳同一段時期去矯正視力，以前戴隱形眼鏡拍通宵戲，最慘收工重要自己揸車。」
華仔又表示自踏入四十歲後更着重身體健康，早前他接受身體檢查時就驗出膽固醇過高，他說：「我係遺傳嘅膽固醇過高，最高驗出有成六點八，我最鍾意食嘅花生、西蘭花、蘆筍、鱔同䱽魚都要少啲食。」
端午節將至，華仔表示會吃自家製的健康糭應節，他說：「端午節會同屋企做節，我都識包糭㗎，自己喺屋企整，可以少啲肥豬肉，唔落鹹蛋黃咪健康啲，最緊要加埋沙糖一齊食就最好味。」
題字賀阿澤
另外，華仔被問到可會出席杜汶澤與田蕊妮今日舉行的婚禮？他說：「會出席，賀禮方面佢話最好送錢嘛，不過除咗錢，我都題咗字送畀佢哋，大概嘅意思係兩個人相處最緊要係了解及諒解。」
採訪：卓美娟
攝影：林德雄
