本田Element在一眾CitySUV車款中，可謂是一部至講潮流的型號，擁有房車化的舒適度，具備前輪驅動（FF）慳油特性，又兼具Real-time四驅（4WD）能力。最近就有獨立車行引入至Top版的Element，加上追加多項原廠配套，令這部方匣子造型的潮車，看來更有瞄頭。
記者、攝影：陳偉林
Two-tone顏色至型
全車最吸引的不是方匣子的造型，而是重新加入有原廠車身兩旁腳踏，既有Two-tone顏色車身連前後泵把，又有至潮又夠In的四輪巨型20吋合金胎軨組合，加上附有風擋門窗以及車尾頂置定風翼跟High-mount煞車燈號等額外裝備，令原本個子突出的Element，看來更有動感，成為CitySUV的完全體。
車廂有防水設計
車廂兩排四座位，空間格外闊落舒適，由於波箱設置於中控台上，故給前座艙有Walk-through的方便。其次，後排座椅重有左右獨立收摺掛起的特色，可以騰出更大的尾廂空間外，前、後兩排椅背重可以放平，是理想又舒適的大床鋪，筆者最喜歡Element整個座艙有防水設計，加埋恒溫冷氣及前後獨立照明，大可媲美轎車配套。
低重心扭力突出
新車用了一台2.4公升直4i-VTEC引擎，配合埋4前速短桿式自動波箱組合，扭力輸出平均又突出，加上車體低重心同出色的四輪懸掛配搭。筆者試車時，由觀塘駛至清水灣一段，行經蜿蜒多彎的山路上，新車畀到我一份額外的穩定感覺，雖然試車當日天色晴朗，未能用盡Real-time四輪驅動裝置本色，但筆者仍十分欣賞新車喺掟彎時表現出的高循迹力，加埋源源不絕的動力輸出，完全顯露出本田這台i-VTEC引擎的特性來。
Real-time四驅其實係……
同其他本田四驅車系一樣，呢部Element亦裝有一套Real-time四輪驅動裝置，最大特性係表現喺日常On-road駕駛上，主要以前輪驅動，以收慳油功效，當遇上惡劣路面環境嘅時候，就可以改變成四輪驅動模式，以強化行車嘅主導能力。
橙撞灰間隔實用
一體式銀白中控台
HondaElement2.4Specifications
引擎：2354cc直4i-VTEC
馬力：160ps/5500rpm
扭力：22.2kgm/4500rpm
傳動：4前速自動波，前?四輪驅動
懸掛：（前）柱式獨立（後）雙搖臂
制動：（前）透氣碟（後）碟式（ABS）
輪胎：245/35ZR20PirelliPZeroNero
尺碼：4300×1815×1790mm
軸距：2575mm
車重：1560kg
平均耗油：10.6km/L（日本10.15模式）
車輛提供：VehNext（28772700）
新車售價：$240,450起
同級SUV推介
寶馬X32.5iA
點睇：比較起同廠X5，明顯要走年輕人及自由粗獷路線，2.5公升直6引擎（馬力192匹），加上X-Drive四驅操控，全天候個性盡露。
車價：$479,000
現代Tucson2.7
點睇：時下至潮抵買的CitySUV車，車系至Top的2.7公升V6引擎（馬力175匹），但車價不過19萬內，實在超值。
車價：$186,000
鈴木GrandVitara2.0
點睇：剛抵港的CitySUV新車，同樣具備Off-road同On-road設計，加上跟轎車相若的車廂配套，2.0公升直4引擎（馬力145匹）表現踏實。
車價：$249,000
