煲呔呢輪意氣風發，好難怪嘅，真係一面倒贏晒嘛，連啲暗湧好似鄔醫生同蔡醫生都難成氣候，係咪令人有啲心花怒放，得意忘形？嗱，最經典應該首推第一日宣布參選記者會，有人問佢中央有幾信佢？佢竟然叫記者去問胡錦濤，佢答唔到咁話。
嘩！你話班香港記者有幾何可以見到胡主席呀？當然你可以話煲呔知道自己好快會有得上京見領導人，所以提醒啲記者到時可以問呢條問題。重有，八方噚日上煲呔個競選網站睇番啲舊答問紀錄，發覺胡錦濤已尊稱成「胡主席」，唔通煲呔覺得當時講大咗，要修正一吓？
至於個星級競選辦，噚日又更新咗架構，喺聯絡總經理下面多咗三個手下，都叫聯絡經理，分別係譚婉孀、林文光同埋黃保羅。林彥明個行政經理位，就由張南美頂上。其他事同財務由馮淑貞負責，法規監管都有個主任叫做伍潔鏇。
傳真︰2623-9278
電郵︰[email protected]