六四燭光集會見到李永達，佢因為做咗民主黨主席，所以冇再做支聯會核心，同普通市民一樣坐在足球場默默致意，並冇企上台主持晚會。
李永達除咗係民主黨主席係普通市民係議員之外，佢現時重有一個身份，就係特首參選人。雖然，佢攞到一百張提名票嘅機會唔高，好可能冇得選，又被人譏笑不自量力。不過在呢場四無選舉之中，達仔應該唯一得益者。
組得黨，就要有執政抱負，否則不如返屋企瞓覺。而要執政，就要選，輸贏係另一件事。香港政界中惜身嘅人太多，佢哋怕輸唔肯企出嚟，又或者唔敢得罪中央所以縮埋，變相玉成煲呔無對手無投票嘅勝利，成為選舉歷史上嘅污點。李永達本身就冇乜分，今次唔惜身，對樹立領袖地位多少有啲幫助。祝佢攞多幾票。
傳真︰2623-9278
電郵︰[email protected]