港區人大代表鄔維庸真係語不驚人誓不休，前日佢話煲呔道德水平唔夠高，肯定搞到煲呔面燶燶。噚日八方見到佛門中人、寶蓮寺方丈釋智慧大師，梗係唔放過呢個大好機會，問吓智慧大師，喺佛家思想嚟計，煲呔道德水平係咪真係咁差？點知大師點都唔肯講，其間重要為鄔醫生兜番，話鄔醫生前日喺會場內已經轉晒口風，話會百分百支持煲呔咁話，連鄔醫生最終意向係點都知，智慧大師真係犀利！
噚日八方都有見到小小超李澤楷，其間當然有問佢支唔支持煲呔，點知佢同佢老竇李嘉誠一樣，堅持唔肯開腔挺曾，可能都係費事俾人話佢哋官商勾結啩。
傳真︰2623-9278
電郵︰[email protected]