余文樂前晚在九龍灣舉行首個個人音樂會，好友杜汶澤現身支持，卻揶揄多年前與樂仔傳出是非的陳冠希（Edison），樂仔表現尷尬。而神秘嘉賓劉德華出場時，樂仔驚訝得哭了。
由加州紅和商台主辦的「903熱火樂團音樂會」，頭炮演出的余文樂前晚在九龍灣展貿中心開騷。2R、鄭融和張敬軒等到場支持，而曾與樂仔合作拍攝電影《無間道》的劉德華則任神秘嘉賓，二人合唱《無間道》。
樂仔乍見前輩撐場驚訝得哭了，更跪地感謝對方。華仔在台上笑說：「唔止你冇呢套戲唔得，我冇咗呢套戲都唔得㗎！如果呢首歌少咗我唱，係咪差啲啲呢？」樂仔數度表示從未試過在台上哭。
「唔好亂講人」
至於另一位撐場的嘉賓杜汶澤與樂仔合唱前，卻暗寸陳冠希（Edison），阿澤說：「其實樂仔好勤力，就好似劉德華後生版。唔明點解《無》年輕版會係Edison做，完全唔似。劉德華又唔係有錢仔，又唔開hiphopparty，又唔會無端端伸脷出嚟，上到網又唔會伸條嘢出嚟。樂仔同華仔最似嘅係，俾女撇咗重不斷俾人哋唱，好彩喻可欣冇喺上面開concert。」原來樂仔前女友盧巧音前晚在九展上層開音樂會，樂仔聞言十分尷尬，並不斷說：「唔好亂講人，唔好意思，記者朋友唔好亂寫。」
祝福盧巧音
樂仔接受訪問時表示杜汶澤一番言論令他尷尬，他說：「佢個心係諗開緊玩笑，請佢嚟預咗佢會講嘢，但唔知佢會講乜㗎！我寧願佢講我，因為我同佢咁熟，明白佢係講笑，大家唔好當佢講真。我估Edison都知佢係搞吓氣氛，唔會嬲嘅。」至於樂仔亦知道前女友盧巧音同場舉行音樂會，他表示會祝福對方。
此外，稍後便到劉浩龍、Kary和薛凱琪（Fiona）舉行個人音樂會，劉浩龍希望兩位女歌手能夠在他的音樂會上表演出浴，Fiona笑說：「你着熱褲露兩點，我哋咪做囉！但都係唔好喇！我唔想睇。」
採訪：王連連 攝影：葉君海
