城市脈搏2：<br>首映引爆港Loli：我哋唔好蝦！城市脈搏2：
首映引爆港Loli：我哋唔好蝦！
《下妻物語》喺早前舉行的香港國際電影節已經吸引過百LolitaFans捧場。正式上映在即，電影公司又請嚟一班Lolita率先睇首映，佢哋除咗大讚深田夠可愛，重睇到好多平常戲迷留意唔到的部份，例如深田喺戲中換過39套Lolita裝、重有戲中Lolita名牌「Baby,theStarsShineBright」原來真有其牌！
記者：馬慶武
攝影：楊錦文
■個個Lolita妹都盛裝出席，未睇套戲之前都可以睇住港版Loli先！
■見到深田恭子個紙牌公仔，一眾Lolita女都忍唔住要合照。
必睇場口！
朝聖殿堂
■呢間「Baby,theStarsShineBright」喺日本真係好Hit！
最靚呢套
■個個讚深田呢套Lolita衫最靚，不過有人話似AV片制服。
爆笑開拖
■深田發威開拖呢場戲超爆笑，成為全場Loli最愛場口。
Loli妹：睇完愛上深田
Rammie：「好搞笑，最好笑係深田突然發威，以後唔好以為我哋咁可愛就好蝦呀！」
櫻梨：「睇完套戲鍾意咗深田恭子，係要佢咁可愛先可以做到呢個角色。」
阿6（左）：「我着咗Lolita裝3年，呢套戲深田恭子換咗39套Lolita衫，全部都好靚，下次去日本一定要去『Baby,theStarsShineBright』朝聖。」
寶寶（右）：「上年喺日本睇過，不過有地道中文字幕更加好笑，因為日文唔係全部聽得明白。」
非Loli：一致改觀
■阿德：「本身覺得Lolita女打扮好誇張，睇完套戲之後有啲改觀，可能深田喺戲中嘅演繹實在太可愛喇！」
■Catherine：「本身都覺得Lolita裝好靚，不過太引人注目冇膽着。套戲搞笑得嚟又有劇情，而且個個人物都咁搶鏡。」
■Terry：「我覺得套戲描寫兩個主角嘅友情幾感人，話到畀人知就算喜好唔係一樣，都可以做好朋友。」
阿嫲戰羊即起底
其實戲裏頭除咗Lolita深田恭子擔大旗外，飾演暴走族嘅土屋安娜一樣咁搶鏡，更憑此片連奪多個最佳新人獎。香港雖然唔興暴走族，但好多睇過首映嘅人同Lolita妹都話暴走族夠寸、夠型！原來戲中桃子阿嫲部絕版戰羊DJ1R真係喺87年後絕咗版，不過日本𠵱家重大把人玩，可惜從未引入香港。當年售價?129,000（港紙一萬蚊唔使），怪唔之連桃子阿嫲都買番部看門口啦！
駿興電單車服務中心
（土瓜灣北帝街135-137號/23303136）
■輝哥話戲中的暴走綿羊改得好激，佢哋都可以從日本訂料返嚟幫客人改，有興趣整番架暴走羊嘅可以去問吓價。綿羊舖老闆：
香港都玩50cc羊！
■土屋安娜
■本田DJ1R喺日本重有好多人揸，不過因為佢只得50cc，喺香港上唔到高速公路，所以從未被引入香港。
