D-SLR相機人見人愛者，係佢嘅特靚畫質，不過相對於攞鏡取景，只可以靠個單眼Viewfinder，就唔似得一般民用機可以靠個大芒咁方便嘞！
韓國名不見經傳嘅Seculine，最近公布將會推出一隻ZigViewSC-V100，功能有如傳統相機嘅「直角觀景器」（行內人稱「煙斗」），不過內涵就全改為行「數碼」；首先直駁相機Viewfinder嘅，將會係一個130萬像素CMOS鏡頭，而畫面將會直駁輸出至一個1.9"（176×220）TFTLCD，為咗對應不同機種的需要，鏡頭重設置有變焦功能，務求能將Viewfinder的影像攞到最盡！
為咗能配合不同D-SLR相機的需要，Viewfinder插位重特設有更換「配件」功能，現知Canon、Nikon、Fujifilm、KonicaMinolta、PENTAX的D-SLR機均可大部份對應，此外，就連部份傳統SLR菲林機都可以用到！日本方面據知短期內會到貨，價錢約17,600日圓，折算港幣大概$1,266！如果相對市面一般光學直角觀景器，都差唔多要呢個價錢，算幾抵玩！
記者：朱崇德