【本報訊】擁有逾萬住戶的柴灣環翠邨上周出現嚴重塌天花事件，肇事單位的睡房內一幅半米乘半米、重達三十磅的天花石屎突然下塌，幸無人受傷；房屋署派員視察後，發現整個單位三分之一的天花面積均有下塌危機，卻不會為該住戶即時安排調遷，住戶一家五口只能繼續居於危宅內。有房屋委員會委員狠批房署的處理不當，採取拖字訣，隨時「搞出人命」。 記者：張嘉雯
羅先生與父母及弟妹七年前遷入環翠邨澤翠樓十七樓一單位，當時已發現該單位問題多多，「初初搬入嚟已經滲水，年幾前開始漏水，天花又谷起晒，（房署）工程部有維修過一次，我哋已經問佢怕唔怕會冧落嚟，佢就話無問題」。直至上周四晚上，天花突然下塌，羅先生的母親險些被擊中，他即時向屋邨管理處投訴，「平日我嗰妹就瞓上格床，如果佢響度瞓就好有機會揼落佢度，好危險，唔知幾時會再跌落嚟，真係好不滿！」
三分一天花隨時塌下
在羅先生多次催促下，房署職員於上周五下午到現場視察，發現三百呎的單位內，接近三分之一的天花都有下塌的危險。記者所見整個天花都是「大窿」，廚房的一半天花更已下塌，客廳也出現裂痕，一塊一米乘三米的天花隨時有下塌危險，但羅氏一家仍要繼續住於危宅內。羅先生說：「房署要我哋畀咗信佢，講話要乜，然後先轉去租務部安排搬遷，唔可以即時跟進，咁我哋都無辦法㗎，都要住落去㗎！」
協助羅先生的東區區議員曾健成，批評房署建屋偷工減料，使用「空心磚」做天花板，「啲空心磚只可以用嚟間牆，唔可以做主力牆，有咩可能用嚟做天花板㗎！」
房署新聞組宣傳經理黎家華上周六回覆本報時，只是多次反問記者投訴人的門牌號碼及該署派往現場視察的人員資料，「唔係我哋唔知，係因為我哋唔同屋邨有唔同處理，唔知係房署職員，定係我哋外判咗嘅管理公司，你哋要問清楚，呢個係你哋記者嘅責任喎！」
房署拖字訣居民遭殃
房委會委員王坤認為，房署應即時為受影響住戶安排調遷，並為公屋住戶定期檢查單位，「天花石屎剝落會死人㗎！就好似狼來了嘅故事咁，有維修就報畀房署，房署又轉去外判公司，終於咪拖嚟拖去囉」！今次事件或涉及工程疏忽，而投訴紀錄又未妥善存檔，最終令居民遭殃。
工程界立法會議員何鍾泰相信受影響單位用料質素欠佳，天花由滲水、漏水、出現裂痕到下塌，並非一朝一夕的事情，房署不即時跟進及處理，是行政上失當。
