梁家傑喺藍田開辦事處，啱啱開喺民建聯陳鑑林嘅隔籬，同陳鑑林打正對台。傑哥嘅辦事處麻雀雖小，但就幾有氣派，啲裝修好似律師樓咁。傑哥話，日後佢會每兩星期喺度親自接見市民，重準備緊組織班友好大律師，嚟幫手坐鎮，提供多啲法律意見。
傑哥一家噚日都有嚟撐場，包括梁太、大女同對孖仔，余若薇重讚梁太Carol對關注組好有貢獻，關注組每個人參選，都係由Carol客串做競選經理。余大狀重攬住Carol擁抱，佢講笑話：「呢啲唔係學（煲呔），呢啲係真情流露，係唔使學嘅！」
Carol同八方講，大女出年會去英國升學，所以𠵱家要陪佢多啲。傑哥兩個孖仔就玩攤位遊戲玩得好開心，差啲唔想走，最後因為要趕住返教會，被梁太叫停。
莊曉陽攝
傳真︰2623-9278
電郵︰[email protected]