【記者張嘉雯報道】有意參選特首的曾蔭權，一直標榜自己是虔誠教徒，上周開始向全港二十四萬天主教徒拉票，去信全港堂區，要求神父囑咐教友為選出特首及為他本人祈禱，惹來部份神父不滿。有神父直言不會為他作宣傳，更即時將信件掉進垃圾桶；有教徒直斥曾的要求荒謬，「唔該佢唔好再用教徒嘅身份做幌子，掩飾自己作為中央嘅工具。」
曾蔭權上周去信全港五十多個天主教堂區的主任司鐸，請神父呼籲教友「在關鍵時刻為香港祈禱，以選出天主眼中的好特首」，並為他本人祈禱，「讓我能時時毫無保留地工作，為香港、為中國、為光榮天主！」
信函被掉進垃圾桶
有堂區神父坦言，不會為曾蔭權作宣傳，更將曾喻為經紀，「啲經紀都係咁推銷自己㗎啦，佢咁做都冇乜奇怪吖，佢要做呢個位梗係無所不用其極。」有神父更即時將信函掉進垃圾桶，「佢想表達自己係好人，呢啲宣傳我唔會理會，八百人選一個人，都唔係民主過程，你寄呢啲嘢畀我有咩用啫？」
天主教正義和平委員會幹事孔令瑜對曾的拉票手法極為不滿，直指他的要求荒謬，「咁你係咪叫啲教友為你成為中央嘅工具祈禱呢？天主教會團體邀請你出席論壇你又唔嚟，你憑咩叫我哋為你祈禱呀！」她指曾過往的作為不符合天主教會的價值觀，在《基本法》第23條立法、居港權及《校本條例》上沒盡力，「唔該你唔好再將我哋扯埋一齊嚟講，得閒就攞個教徒身份出嚟用吓，當係工具，係好唔道德。」
曾蔭權競選辦公室昨承認曾蔭權曾向天主教會本港各堂區寄出有關信件，但對於其他問題暫不作回應。