飲食潮流年年轉，老店死守舊餐廳注定被淘汰？非也！以下兩間老字號能屹立不倒30年，反映傳統古方菜仍有捧場客。老人家玩情懷力撐不出奇，連喪蒲油尖旺的潮女食過古方菜都大讚先至堅！再次證明有麝自然香這千古不變的道理。
記者：陳冰麗
攝影：周旭文（尚興）、陳盛臣（老上海）
模特兒：Ling、Kinki
正宗煮法名人食堂
現在古方潮州菜買少見少，因為一來功夫多，二來只有真正潮州師傅才可煮出箇中韻味，有30多年歷史的「尚興潮州海鮮飯店」，就是其中一間堅持正宗潮州煮法的老店，潮女Ling試味：「反沙金銀條外層砂糖好脆口，裏面芋頭同番薯好軟滑，原來潮州古方菜咁好味，油尖旺嘅所謂新派潮菜根本無得比。」老夥計輝哥聞言即笑：「我喺度打工你都未出世，唔好睇小呢啲古方潮州菜，好多名人明星都讚不絕口。」所言非虛，店舖一壁貼滿太子爺與煲呔曾、梁朝偉、劉嘉玲、張學友、關之琳、方力申等合照，Ling見之下結論：「重有星昅喎，潮人必撐喇！」
反沙金銀條$60
「金」指番薯，「銀」是芋頭。工序極繁複，猛火溶糖再慢火把糖漿收水變回糖砂，最後離火放入切成1吋厚的「金銀條」，快手兜勻，外脆內軟。
石榴雞$60
外層蛋白皮不能煎太厚，過薄包甘笋粒、冬菇粒、雞粒、發菜等餡料時又易穿，超考功夫！Ling：「好多餡料呀，啲皮好薄呀。」
韭菜盒$48
超精緻的潮州點心，麵粉混韭菜汁做皮，包蟹肉、肉碎、冬菇粒做餡。Ling：「一啖咬入口，皮鬆脆到不得了，正呀！」
尚興潮州海鮮飯店（25437794）
地址：香港皇后大道西37號至39號
座位：約220個
營業時間：星期一至日及公眾假期11:00am至3:00pm，5:30pm至12:00am。