莫文蔚（Karen）下周舉行紅館個唱，請來劉德華與她又唱又跳辣身舞，還要互相除衫。昨日二人排舞時，Karen興奮表示可以擒足華仔一晚，華仔則謂面對sexyKaren，很怕跳得太貼身會遭馮德倫毒打。
莫文蔚將於下周五開始在紅館舉行一連兩場《極度莫文蔚演唱會》，Karen邀請劉德華擔任嘉賓，昨日二人到排舞室排練辣身舞，Karen更興奮地表示可以擒足華仔一晚。
撫摸華仔胸膛
Karen表示華仔這個超級嘉賓今次不只唱歌，還會與她跳辣身舞，二人昨日花了一天排舞。Karen說：「我真係好感激華仔今次咁幫我，佢已經好忙，但係都抽時間同我排舞。」Karen更大讚華仔舞技精湛，令她佩服不已。
Karen又透露在台上表演時，她與華仔會互相除對方的衣服，當華仔得知有這個特別安排時，他笑言感到十分緊張，華仔笑說：「我真係覺得好緊張呀，因為今次我剝嘅係sexyKaren嘅衫。」不過Karen於排舞時亦有得着，因為她可以撫摸華仔的胸膛，她更不甘示弱地向華仔說：「正呀！今次我可以擒足你一晚呀。」事後華仔說笑提議：「咁我咪好蝕底，唔好你摸我啦，不如掉番轉啦。」
怕被馮德倫打
其中一個動作華仔雙手分別放在Karen的腰部及大腿，他開玩笑說：「跳嘅時候會小心啲，隻手只會啱啱好擺喺佢個肚度，有肚腩就幫佢遮埋，費事掂親佢，馮德倫會忍唔住衝上台毒打我呀。」
