李燦森日前接受官恩娜訪問，大談性經，他透露自己拍過八、九次拖，亦曾試過一夜情，更自誇了解女性，他說：「大唔一定勁，最重要係溫柔。」
由官恩娜、唐詩詠、歐文詩（Angela）三人主持的港台節目「TeenPower千嬌百媚」，日前邀請李燦森（Sam）任嘉賓，阿Sam在節目中大談戀愛及性經驗，他亦透露計劃於兩年後結婚，結束喪蒲歲月。
擬兩年後結婚
一向形象花弗的李燦森，強調自己對愛情專一，絕對不會一腳踏兩船，但算一算手指，自他懂性以來真正拍拖達八、九次，最短維持一個月，最長是四年，阿Sam坦言：「我記得就八、九次，當然唔計一、兩個禮拜嗰啲拍散拖。」阿Sam直認自己有一夜情經驗，但絕不是花弗，他無奈說：「我有時同女仔傾兩句偈，啲人就話我媾女。」
今年九月便滿三十歲的阿Sam坦言，不希望再浪費時間在拍拖上，他說：「我同𠵱家女友不經不覺已經拍咗兩年，我哋都有傾過，預計兩年後結婚，亦都有諗過生仔，如果唔做呢兩樣嘢，人生好似有所欠缺。」
官恩娜論長短
在節目中官恩娜問阿Sam會否以女方的床上功夫而擇偶？阿Sam笑謂：「我會帶領佢去到欲仙欲死境界。」
阿Sam表示，他從女友口中得知女性並不一定喜歡性器巨大的男性，他自誇說：「大唔一定勁，最重要係溫柔。」其身旁的官恩娜隨即鬼馬說：「都唔可以過短喎！」
此外，官恩娜和呂頌賢昨日在深水埗一間學校拍攝港台劇集，官恩娜扮演一位護士，呂頌賢則是防護中心專員。官恩娜謂自己有潔僻，她說：「細個都有諗過做護士，但係我好怕啲屎尿，所以最終都冇做到。」
採訪、攝影：張俊銘
