專做古方上海菜的「老上海飯店」，前身是50多年歷史的「老正興」，前任老闆退休，3年前易手猶幸廚房樓面班底依舊，故堅持到用正宗上海古方煮菜。潮女Kinki試味：「禿肺？個名咁騎呢嘅？原來係鯇魚肝，其他上海菜館都未見過，好得意好好味。元老級夥計老王聞言搭訕：「梗係喇！師傅同樓面大部份係上海人，當晒呢度係自己屋企，你食到嘅，係正宗上海住家菜呀！李純恩就最鍾意食炒腰花。」
禿肺小$80中$120
即鯇魚肝，每條鯇魚只得一個肝，一碟禿肺起碼用上5個鯇魚肝。肝有深淺褐色之分，經走油、薑葱炒過，前者口感帶粉，後者腍滑，需1日前預訂。Kinki：「一啲都唔腥，趁熱食最正。」
紅燒大烏參 細$290中$430
用印尼最靚大烏參，又叫「烏石」，一隻乾貨可發大8倍，是周星馳與成龍至愛。Kinki：「好軟滑，聽講海參無膽固醇，重膠質，重有養顏作用㖭！」
炒腰花細$68中$102
難在控制火路，要在1分鐘內炒熟才能保持爽脆口感，食落果然非常爽口，難怪李純恩極力推介。
老上海飯店（28279339）
地址：灣仔謝斐道238號世紀酒店地庫1字
營業時間：10:30am至11:30pm
座位：300個