中電噚日搞咗個「健康滿載‧耆樂融融」慈善活動啓動禮，因為有感長者較易染上流感，有部份更因經濟問題而未能注射預防疫苗，所以中電就帶頭籌募。今次已經係第二年搞呢個活動，舊年總共籌咗七十二萬元，以每支流感預防針成本約五十五元計，總共幫咗一萬三千多個公公婆婆打針。今年希望可以增加至一萬五千名，即係可以幫到約一成綜援長者，當然幫到愈多愈好啦！
中電話，市民每捐二十元，中電就會捐多二十元咁話喎！若果市民想參與呢個善舉，可以直接前往中電客戶服務中心捐款，或者將善款交畀社聯。
傳真︰2623-9278
電郵︰[email protected]