迪士尼樂園早前定出童話婚禮價格，擺一圍酒連基本酒水最少都要過萬蚊，唔係咁多情侶畀得起。不過，想結婚嘅年輕人如果想慳多啲，不妨去灣仔會展行吓。正在舉行嘅「第三十九屆夏日婚紗及結婚用品展暨美容及健康減肥博覽」，搞咗好多活動吸引市民入場，好似人體畫畫、模特兒着婚紗行花生騷等，當然唔少得性感美女撐場（圖）。
八方噚日去會展行咗個圈，發現好多酒樓都推出擺十圍送一圍，買禮餅八折優惠等作招徠，計計埋埋真係可以慳番成萬蚊！迪士尼應該考慮吓推出多啲優惠，等啲準新人唔使咁肉痛吖。
李家皓攝
傳真︰2623-9278
電郵︰[email protected]