兩年前一場無情火，將阿丹身體近七成皮膚燒傷，她經過無數次植皮及矯型手術，近日病情才稍為穩定，可以暫時出院。阿丹原本從事會計工作，現復工無期，在漫長的治療歲月，面對沉重經濟壓力，但仍盼有一部電腦供她學習，增加未來就業機會。
「我到𠵱家都唔知自己點解會燒成咁，成件事我完全冇印象，所有都係由警察口中複述番畀我聽。」全身穿上壓力衣，坐於輪椅上的阿丹無奈地向記者表示。
二○○三年三月三十一日凌晨時分，獨居於西灣河大石街的阿丹如常在睡房睡覺，其間懷疑有樓上住客亂拋煙蒂，引致其房間的窗簾被焚，火勢迅速蔓延至床上，阿丹因吸入大量濃煙隨即陷於昏迷，慘被活活燒傷，幸好鄰居及時報警將她送院，阿丹才保住性命。
樓上居民 亂拋煙蒂
阿丹憶述︰「我醒番嘅時候已經喺醫院嘅深切治療部，當時周身包住紗布，郁都郁唔得。」
除頭部外，阿丹全身有七成皮膚被燒傷，其中雙腳傷勢最嚴重，右腳腳趾全部被燒掉，另左腳有四根腳趾亦被燒去半截，今後要穿着特製的矯型鞋。
這兩年多，阿丹以醫院為家，先後動過數十次大大小小的植皮及矯型手術，及至最近，醫生認為其情況轉趨穩定，才批准她暫時出院回家休養。
「其實我啲手術重未做完，六月尾我又要再返醫院做右腳腳踝骨手術，真係唔知幾時先可以過番正常生活。」
原職會計 勤奮上進
四十四歲單身的阿丹，原本任職會計文員，她勤奮上進，不時進修，詎料一場無情大火，改寫一生。「我乜都冇晒，所有嘢都要重頭嚟過，如果唔係有信仰支持，我早就捱唔落去。」
阿丹出事前租住私人樓宇，出院後她獲房屋署恩恤編配公屋，另由於失去工作能力，阿丹現靠綜援金過活。
惟因早前公屋入伙花費不少，加上醫療護理及日常開支龐大，令阿丹承受沉重經濟壓力。
阿丹苦着臉訴說︰「我𠵱家喺屋企每日都要自己洗傷口，單係買消毒藥水、消毒用具、紗布、棉花、繃帶，每個月都要幾百蚊，呢啲錢全部要我自己墊支，社會福利署要一、兩個月後先畀番我，搞到我周轉好困難，成日冇錢開飯；另外，我因為燒傷，皮膚好難散熱，尤其夏天更加要全日開住冷氣，電費好重皮。」
學習打字 充實自己
蘋果日報慈善基金了解過阿丹苦況後，即時撥款二千元，紓緩其經濟困境。此外，阿丹希望獲贈一部電腦，讓她在養病期間可以學習打字及上網。
「我想學電腦，令自己有番啲寄託，不過，以我𠵱家嘅經濟能力，真係買唔起一部電腦，希望有人可以幫到我。」阿丹衷心呼籲。
捐款編號︰C1716
暖流熱線
電話：29908688
傳真：23702192
電郵：[email protected]
網址： http://www.charity.atnext.com