天勾重現渣巴殺入潮界

呢個年代睇NBA唔識LeBronJames，Out！不過如果連一代經典渣巴（KareemAbdul-Jabbar）你都唔曉，重Out！有「長人」之稱的渣巴現年58歲，以「天勾」（SkyHook）絕招橫掃NBA球壇20年。今次亞洲之行，渣巴亦轉型，誓要躋身潮流界，來港為佢一系列adidas產品作宣傳，順道表演寶刀未老的「天勾」絕技！

記者：胡卓琳
攝影：陳陶鈞

渣巴當年就係着住adidas的Superstar，於球場上得過無數的榮耀。今日adidas特別為渣巴推出復刻版的渣巴Superstar。早前推出人頭及天勾兩個版本的白色復刻adidasJabbar，一推出即成為斷貨王，有見及此，adidas即將加推黑色及灰色Jabbar戰鞋，各位密切留意推出日期。黑色JabbarHi（售價待定）、灰色JabbarLow（售價待定）、白色JabbarHi$600、白色JabbarLow$550

■渣巴示範「天勾」絕招！此絕招令佢當年成為NBA史上得分最高（38,387分）球員及6奪NBA最有價值球員獎。即席示範，果然寶刀未老，一擊即中，厲害！

■唔講你未必知，渣巴係一代偉人李小龍的徒弟，佢曾經同李小龍共演電影《死亡遊戲》（右圖）。記者會現場，渣巴就即席與李小龍SuperFans區錦棠重演《死亡遊戲》一幕，並大腳一揮，於Tee上印上超巨型腳印！

■黑色JabbarHi（售價待定）、灰色JabbarLow（售價待定）、白色JabbarHi$600、白色JabbarLow$550

■adidas送渣巴的一幅油畫，由本地繪畫師阿Man繪畫，渣巴形象栩栩如生。渣巴重好搞笑咁話差啲唔認得自己當年有咁濃密的頭髮！

渣巴可謂adidas將球員明星化的始祖，破天荒將渣巴的人像印於球鞋上，將其變成「天勾手」渣巴戰鞋。今日，adidas將渣巴產品推陳出新於其他運動服之上，並即將於7~10月陸續推出其他款式，Fans不要錯過！

呢件特別為今次渣巴亞洲之旅而設計的Tee，上面印有渣巴於李小龍遺作《死亡遊戲》中的一個招牌動作，背後就有當時渣巴戲中的一個踢腳動作，全球限量發售1,000件，極具紀念價值。