新世界（017）及信置（083）下周正式回復藍籌身份，盈富基金（2800）照例入市掃貨，調整投資組合，信置升1.25%至8.05元，但成交激增至6.13億元，新世界升0.61%，成交亦高達6.18億元。被踢出局的會德豐（020）及恒發（097）沽壓唔算大，會德豐跌0.45%，而恒發冇起跌。
恒基中國（246）晨中停牌，原來是恒地（012）都認為難以每股7.50元將恒中私有化，因而調高收購價，前日炒上7.80元的春江鴨確係有料到。
有傳聞作價可能提高至8.50元以上，不過小股東是否心滿意足就好難講，以8.50元計，仍較恒中每股資產淨值13.96元有39%折讓。恒地上次擬將恒發（097）私有化時亦曾提高過收購價，但因出手始於不夠闊綽導致計劃最終失敗。有芬佬話以25%折讓幅度計就比較合理，即收購價應調高至10.46元就差不多，但相信恒地未必會提價至此水平，因此恒中有化失敗的機會依然頗高。
神華認購未見踴躍
神華（1088）首日公開招股，可能早上遇着大雨，銀行門口冇咩人排隊攞表，但其後亦不見踴躍，就連拆息亦唔見扯高，可見反應一般。花旗美邦出報告，話兗煤（1171）05年預測PE僅6倍，遠低於神華的招股PE9.75-12.43倍。兗煤噚日股價紋風不動，未有再搶高，唔知神華使唔使調低招股價呢？
阿虎