經濟復甦，業主加租，北角新光戲院（圖）雖然願意畀多一倍租，但新業主仍咄咄逼人，只肯同新光續一年約，重要只得三個月通知期，對於劇團嚟講，根本預唔到期演出。雖然粵劇界、康文署同中聯辦出手斡旋，但新光最終都敵唔過業主嘅辣手，八月二十一號就正式關門大吉，最後一場檔期已經預咗畀鳳和鳴劇團，由梅雪詩同李龍擔綱，劇目就未定。
第日要睇現場表演嘅粵劇，就可能要去高山劇場喇。各位戲迷如果想緬懷吓大舞台、現場樂師演奏、邊睇戲邊食飛機欖嘅情懷，就好快啲去新光撲飛喇！
傳真︰2623-9278
電郵︰[email protected]