滙豐銀行大班鄭海泉牽頭成立海港商界論壇，同唔少大企業攜手加入保護海港嘅行列，好多人都唔知佢哋乜嘢葫蘆賣乜藥，鄭大班噚日喺論壇成立典禮上就解釋，佢對香港呢個咁寶貴嘅海港有咁深厚嘅感情，其實有段古。
話說喺五十年代，佢年紀尚輕之時，成日都會帶備自製嘅魚竿，喺夜晚同啲朋友仔去深水埗海旁，借人哋嘅竹筏出海釣魚，一釣就釣成幾個鐘。佢話當時嘅海港景色怡人，為佢嘅童年帶嚟好多歡樂。八方就認真羨慕鄭大班，細細個周圍玩之餘，都冇荒廢學業，如果唔係，香港人就見唔到呢位滙豐一百四十年來首位華人大班喇。
傳真︰2623-9278
電郵︰[email protected]