唐寧自從擔任皮膚護理用品代言人後，從頭到腳都被包起，認真省回不少！日前她到皮膚護理中心享受全身按摩和浸spa，還透露正接受燕窩美肌更生療程來調理其「乾到底」的肌膚。
唐寧早前獲邀擔任皮膚護理品牌philosophy代言人，由於該品牌從頭髮、臉部、身體以至指甲都有護理療程，故唐寧由頭到腳的美肌護理均被廣告商包起，令她節省大筆扮靚費。
雖然近期唐寧忙於拍攝新劇《阿旺新傳》，但日前她偷得浮生半日閒，往位於銅鑼灣的皮膚護理中心歎世界。當日唐寧花了大半天，接受全身磨砂、緊膚體膜和鮮花水療護理等服務，認真識享受！
內服外敷燕窩
唐寧表示過往對美肌一無所知，除了做簡單面膜外，其他身體部位都欠缺打理，令本來偏乾的皮膚乾上加乾，她說：「我以前對皮膚唔係咁理，但其實我嘅皮膚係乾到底，尤其係頸同膊頭。自從做咗代言人後，佢哋介紹我用一隻燕窩精華敷面，再畀燕窩我食，實行內服外敷，𠵱家啲皮膚比以前有光澤咗。」
唐寧續說：「以前如果要做全身磨砂、按摩、整指甲、做facial或者spa，喺一日入面要走好多個地方至做得晒，已經好攰啦，金錢就更加唔使講，但𠵱家喺一個地方可以做齊晒所有嘢，會慳番好多時間。」
採訪、攝影：朱倬誼
場地：philosophy（WorldTradeCentre）
