靚仔小生陳鍵鋒（Sammul），不但外形高大、官仔骨骨，更出名青靚白淨。原來Sammul自小已真傳家族護膚之道，現在自己亦有一套護膚心得。有心改善儀容的男士們請對號入座，陳鍵鋒內、外雙管齊下的護膚推介即將公開！
記者：梁珮瑜
攝影：楊錦文
髮型：VincePang@IlColpo
由細「靚」到大
內：全靠阿媽靚湯
陳媽媽愛煲美容靚湯，花膠、雪耳、燕窩等，Sammul自小經已由內而外得到保養。「我屋企係大長今啲Friend，想清熱就煲花旗參、養顏又有生果湯，我信簡單、天然的方法最有效。」他更建議戒除太鹹的食物有助減少浮腫。另外可進食多種維他命、魚油及蔬果，尤其營養豐富及有助排毒的火龍果。
天然美顏推介——靈芝花旗參蜜糖水
「靈芝加花旗參煲水，份量隨意，飲用時加蜜糖。身體及腸胃好，皮膚自然靚。」
靈芝：可提升免疫功能及有效抗衰老等
花旗參：有效降火清熱、潤肺、提神及補充體力
外：男人護膚無尷尬
Sammul認為除了飲食，護理產品亦好重要。「最重要係清潔，另外每周做一、兩次磨砂及面膜。𠵱家不少專業牌子都推出男士護膚品，男人買護膚品覺得尷尬絕對係錯誤的觀念！」他推介美國總統及不少紅星都捧場、有150年歷史的Kiehl's，至愛其產品以天然成份製造！
隨身法寶袋
估唔到Sammul咁貪靚，其出街必備的法寶袋內除有防曬、護唇護手霜外，重會有眉鉗、睫毛夾及雙眼皮貼紙。「眉毛整齊顯得更精神，個樣好睏就要用睫毛夾。如果早上雙眼浮腫，用雙眼皮貼紙貼一貼，咁就可以變番雙眼皮。」
Sammul護膚推介
修護一支搞掂
新產品FacialFuel男士全效保濕乳，質地清爽及保濕外，亦可改善暗啞疲倦膚質，適合睡眠不足及工作過勞的男士。$210
必備防曬
「拍《學警》時搞到曬傷皮膚、出汗斑，原來就算鍾意古銅膚色亦需用防曬產品。」
VitalSunProtection防曬系列──SPF25防曬噴霧$230（左）、SPF30防曬乳液$195（右）。
徹底清潔
「每日用潔面乳洗面，化咗妝就必定用卸妝霜一次過卸妝兼清潔。」
特效保濕卸妝霜$115（左）、輕柔泡沫潔面乳$150（右）。
磨砂去死皮
「最鍾意其天然水果或杏仁粒粒，感覺清新！」
牛奶蜂蜜杏仁磨砂霜$130（左）、菠蘿木瓜磨砂乳霜$245（右）。
女生愛Sammul皮膚靚
街訪女生一致鍾情皮膚健康的男孩，更推舉陳鍵鋒為當中表表者。
Kiehl's專門店
銅鑼灣羅素街28號地下（25910117）