煲呔真係一世好命，今次中央黃袍加身，連佢多位舊老細都出面挺佢，你話係好咪好厲害？老董認真唔話得，唔記仇，屬本世紀罕有品種，而陳四萬，挺曾之餘都講番幾句真心話。陳太真係只好怨命，因為此一時彼一時，佢肯定冇孤單推銷員咁幸運。八方重記得當年傳過陳太因為唔同意董建華推行高官問責制，打破公務員嘅飯碗，所以毅然辭職，呢個睇嚟唔假得晒。四萬噚日出席同煲呔嘅會面，亦念念不忘批評吓問責制嘅不成功，重開到口叫煲呔要保護啲政務官。
咁又係，喺港英時代，香港政府係由政務官負責日常事務，特別係肥彭嗰陣，佢只理政治一瓣，其他交晒畀陳太管。陳太對問責制不滿已非今日之事，但既然擺得上台，煲呔都不應等閒視之。
傳真︰2623-9278
電郵︰[email protected]