嶺南大學噚日宣布頒授榮譽院士畀喺學術、社會公益同埋教育發展等範疇有卓越成就同貢獻嘅六位人士。獲頒授人士包括：知名學者、著名小說《二殘遊記》嘅作者劉紹銘；喺過去十幾年嚟，先後捐款超過二千萬元嘅商人陳強；成功取得香港首三個無線電話服務牌照之一嘅華訊電訊同華潤萬眾電話嘅創辦人梁啟雄；會計師公會前主席、現為全球排名前十二位嘅審計及會計師行馬炎璋會計師行最高合夥人馬紹援；嶺大諮議會成員之一張建標；同埋喺推動婦女同兒童權益福利工作上貢獻良多嘅梁黃文瑢。嶺大會喺呢個月十三號舉行頒授儀式，到時會由嶺大校董會主席梁振英主持。
傳真︰2623-9278
電郵︰[email protected]