資深新聞從業員程翔被扣四十日後事情曝光，外交部指佢係間諜，真係令人欷歔。一九七三年，程翔在港大經濟系畢業，可謂天之驕子，同學從商做官，佢就為理想投身《文匯報》，甘願攞六百幾蚊人工過樸素生活。三十年後，班同學唔係司長局長，就係千萬富翁，佢就竟然被自己最愛的國家捉咗。
八方聽聞程翔同班同學一直有來往，經常一齊食飯，好似四月尾就有飯局，當晚出席嘅有張永霖、黃家倫、李澄明、馬時亨……梁錦松都有到，獨係唔見佢。當時大家不以為意，現在當然知道發生乜事；但除咗交換吓「衣貓」報告吓訊息，又有乜可以做？
廖秀冬、葉澍堃、馬時亨三個局長都係七三年畢業，現任保安局局長李少光都係，雖然佢唔同程翔同系，念在一場同學，係咪可以幫吓手呢？
傳真︰2623-9278
電郵︰[email protected]