一班曾獲大紫荊勳章嘅政界元老，噚日都好畀面煲呔，親自去到君悅酒店同煲呔撐場，其中更包括咗幾位外籍人士，佢哋就係前布政司鍾逸傑、前市政局議員杜葉錫恩同埋香港奧委會前會長沙里士。雖然佢哋唔係純地道香港人，但對煲呔都好鬼支持，出席呢個宴會之餘，亦都有開口用外語挺曾。
當中就以年屆九十有多嘅杜葉錫恩說話最貼近現實，因為杜太預計，煲呔上場後可能會面對唔少困難，事關喺呢個時候，好多政黨都會同政府sayno，換言之日後施政未必咁易得到立法會支持。杜太呢個分析的確到肉，相信都係拜佢從政多年經驗所賜，得到杜太咁關照，煲呔自然好感動，所以喺佢離場時，特別同呢位老前輩又握手，又擁抱錫面。
傳真︰2623-9278
電郵︰[email protected]