李思蓓近日接拍了一輯健康食品廣告，穿上三點式泳衣大晒其36C、23、33身材，她表示到沙灘拍攝時雖然不時被陌生男人偷望，但自己並不介意，只會把他們通通當作透明人，更笑言將來到外地旅行時，不介意嘗試裸曬。
李思蓓近日為健康食品「七日豐胸」拍攝新一輯廣告，她日前隨拍攝隊到淺水灣取景，穿上三點式泳衣大晒其36C、23、33豐滿身材。
專注騷靚樣
李思蓓身材惹火，故甫出現即吸引不少沙灘上的途人圍觀，問到李思蓓拍攝期間被陌生人圍觀可會感到不自然時，她說：「唔會，我已經練好唔介意陌生男男女女嘅眼光，我一於當佢哋透明，唔理得咁多，淨係顧住個鏡頭，專注拍好個廣告，以自己最靚嘅一面出鏡。」
而酷愛戶外運動的李思蓓更說：「我平時自己去沙灘游水，都會着三點式，咁樣曬太陽都會膚色均勻啲，如果將來有機會去外國旅行，我都唔介意試吓裸曬。」
李思蓓又表示很滿意現時的三圍數字，她說：「成身我最自豪嘅，其實係一對腳，因為我天生個身嘅肌肉好薄，所以肚腩唔會太凸。
追求者增加
問到李思蓓會否接拍三級片時，她說：「如果刻意暴露身材嘅就一定唔得，但配合劇情需要就會考慮一下。」李思蓓表示已有一年沒拍拖，故十分渴望能盡快沐浴愛河中，她說：「我都好恨有個男友，不過呢啲嘢要講緣份，我承認豐胸後真係多咗追求者。」
採訪：比華利
