溜冰場、電視、紅綠藍色，係城大創意媒體學院應屆畢業生蕭子文自創短片《溜．紅綠藍》嘅元素。佢憑呢套作品獲得第十一屆WRO國際媒體藝術雙年獎頒發評審推介獎，係第一個香港人喺呢個比賽攞到獎。
呢個比賽由波蘭媒體藝術中心主辦，今年有來自四十六個國家同地區嘅一千二百件作品參賽，最後有七十件入圍，冠亞軍各一名，季軍兩名，蕭子文嘅作品係五個評審推介獎之一。
蕭同學話，呢套片係想講電視嘅三原色：紅、綠、藍，所以佢影咗一段溜冰場片段，然後喺電視上播出，再用攝錄機好近咁影住電視，如是者反覆做咗九次，終於展示出電視上所見嘅白色，其實原色係紅、綠、藍。
傳真︰2623-9278
電郵︰[email protected]