金勞詹笑煲呔做神，搞到個人一日高過一日，當然實情煲呔冇真係高咗，只係提名票愈嚟愈多，咪好似高人一等咁囉。
八方最近同一位政壇老前輩分析大局，佢話煲呔認真高招，簡直將所有潛在對手殺死於冇形，只要佢呢兩年冇犯大錯，就一定可以做多五年，甚至十年。
呢位前輩話，自由黨本來推唐唐出戰，點知佢真係太謙，竟然話煲呔比自己好，即係可以收檔啦，而佢位黨魁田少，更因為當年跣咗中央一鋪，有咗黑底，一日廖暉在位，都唔會受佢玩。
至於李國章，佢大佬寶哥哥都已俾煲呔曾拉攏過嚟助選，變咗自己人，將來好難爭。
所以話，主要對手都冇晒，只有一個吳光正，佢仍然穩如泰山，睇吓煲呔日後點同佢喺中央層次過招。
傳真︰2623-9278
電郵︰[email protected]