經紀黃日前提到的I.T.（999），噚日公布業績，盈利有成1.13億元，高過招股書的盈利預測1.06億元，兼夾有4.3仙股息派，雖然業績靚靚，但股價並無反應，收2元，冇起跌，成交股數364萬股，金額731萬元。
小初仍未搞清，究竟係投資者唔睇好零售股，抑或係I.T有個怕羞老闆，睇嚟公司要做多啲投資者推廣活動。
另外，市場傳出上海銘源（233）會搵個領導人親戚入董事會，但除此之外，公司重會喺下周帶傳媒上大陸，睇吓上海1個即將興建新廠房的地盤。經紀陳話，江湖傳聞有班大陸炒家，想借機炒番轉。
上海銘源喺3月公布去年業績，盈利有成6702萬元，比上年勁升98.91%，但股價就唔多穩陣，早前一度跌落0.55元，但最近就重拾升軌，昨收0.73元。
隻股有幾個芬佬坐住貨，兼且去年年底，公司發行一批可換股債券，換股價0.92元，只要呢班大戶繼續坐貨，上海銘源重會有得炒。
慕容小初