電腦新產品:直擊台北國際電腦展2005<br>IT溝AVHDDVD台北優先預映

電腦新產品:直擊台北國際電腦展2005
IT溝AVHDDVD台北優先預映

台灣近年喺IT界發展,已經逐漸有火車頭趨勢,連帶每年舉行嘅《台北國際電腦展》,亦成為業內重要展覽會;《台北國際電腦展2005》已於前日(31/5)正式揭幕,今年好睇之處,並唔再係啲板板、卡卡電腦硬件當道!換來的是最新最潮的IT影音產品進佔全個展場!而且大部份產品都係全球首度曝光,主辦機構亦預計來自全球的觀眾可望超過30,000人次,相信將會是《台北國際電腦展》25年歷史以來,最爆嘅一年!

記者、攝影:許福合

HDDVD真碟試片

HDDVD同Blu-Ray兩種高清軟件格式正鬥得如火如荼!那邊廂美國E3,SONY剛話新一代主機PS3將會起用Blu-ray,但實物欠奉;這邊廂《台北國際電腦展》竟然有HDDVD搶先試映!雖然係Demo機,量產化映期亦未有定案,不過對應電腦、直播式DVD機都己經完全Ready,想知高清HDDVD靚成點?馬上去片!

NEC行USB2.0對應電腦

好多電影發行商表明,對HDDVD格式感興趣,因為同一張碟內可同時兼容DVD及HDDVD兩種格式!今次NEC所出的HDDVD採用外置式設計,介面為USB2.0,代表所有電腦都合用;而就優先試映會所見,NEC同時以兩部電腦播放舊制式DVD及最新HDDVD電影好等人作比較(包括有《明日之後》和《宇多田光演唱會》);由於HDDVD片源須保密,筆者未能將播放畫面拍下,不過觀後感兩者差距有如「VCD對DVD」!而且HDDVD在色彩豐富度表現尤為突出,再深入啲講就連黑位都層次分明,舊式DVD簡直望塵莫及。

全球最大72"後投電視

LCDTV、Plasma現在AV界走紅,BenQ竟來一記回馬槍,推出全球最大72吋(6:1)後投電視TR7270!據知解析度為1,280×720,亦能支援高清1080i,廠方表示TR7270可提供有如「電影院般細膩及膠卷味的畫質」,就現場所見亦好正。

東芝家庭影院HDDVD機

與NEC唔同,東芝所展出HDDVD機係可以直駁電視睇,外形同一般DVDPlayer近似,不過機身略厚;由於只屬樣辦機,規格就未有詳細公布,但現場所見,應該有1080i的畫質,畫面同NEC的電腦版HDDVD同樣精緻細膩,各位AV迷值得期待!

■最新三層HDDVD-RW最高容量可達45GB。

PPC最強新機

MyPalA636硬件落重料

ASUS嘅MyPalA636係會場上非常矚目的PPC,無他嘅!功能強嘛!OS採用新版《WM5.0》,核心部份將會起用IntelPXA272312MHz或416MHz處理器,而且重內置有GPS、藍芽、WiFi及SDIO槽,全是現時最高階的設置。

M600黑帝PPC溝手機

有如「黑帝君臨」嘅E-TENM600,論外形已好煞食!機身一樣使用新OS,並內置130萬像素鏡頭,可作4倍數碼變焦,相對一般影相手機毫不遜色,最正係機身內置三頻手機兼藍芽功能,再加對應802.11b無線網絡,流動一族必備。

PMP功能前瞻

7吋大芒PSPPMP

會場上好多記者都覺得呢部機好PSPFeel!其實佢係由MobiNote最新推出的PMPDP7010-SP!搶眼處係佢使用7吋巨芒,絕對係現時PMP界大哥大!畫質亦好出色,真係差啲以為睇緊PSP!此機內置20GB硬碟,畫面行16:9,解析度亦達高檔的720×480,播MPEG4影片真係好難玩盡佢嘅畫質,其他玩法就包括直錄MPEG4、錄電視、睇相、聽MP3同錄音等。

微軟OS攻入PMP

一般PMP,都係使用開發商「自家」開發操作軟件,TATUNG呢部PortableMediaCenter竟然用上微軟嘅《PortableMediaCenterVersionII》,所以一般電腦嘅多媒體格式檔案,放入機內都可以完全支援播放;另外此機還有「直錄」MPEG4同MP3功能,喺個3.5吋芒上播放都算不俗!硬碟容量最高為60GB。

Mobile創意十足

SRP-81WLAN直接通話

台產SRP-81外形真係有幾分Nokia影子,不過引人注目者,係佢可以透過WLAN進行直接通話,簡單講即係只要去到有802.11b/g嘅CafeShop等一類「熱點」,就可以利用無線網絡通話,連電話費都慳番!

DVP-1500可愛換面王

QpicDVP-1500走可愛型視像電話路線,而且重有更換面板設計。顯示屏大小為5.6吋,上面有個CCD鏡頭,作為網絡電話之用,畫質表現相當不俗!

P50支援WiFi多嘢玩

BenQP50亦係今年內的新機,操作系統採用《WindwosMobilePPCPE2003》,可支援WiFi上網及藍芽,亦具備播放MPEG4、3GP、WMV及MP3等功能,最特別提供手寫輸入及130萬像鏡頭,勁多嘢玩。

PC台灣土炮

Puro影音娛樂一體化PC

Puro可以話將PC、電視、HDD錄影機等多功能集於一身;機身內置天線插口,可以睇電視,加上軟件支援,當埋HDD錄影機咁玩都無問題,跟機重會有個遙控器,操作更為方便。屏幕大小為17吋,可前後調校角度。

SLI極速超頻快機

今年唔少底板廠都Demo咗SLI行雙顯示卡玩法,以超頻出名嘅DFI底板亦砌咗一台規格超高Demo機示範,出動NF4SLI-DR板,配以SLI行nVIDIA6800GT,打機超爽超順,就連要求規格最高嘅《Doom3》,相信都可以輕鬆應付!

核彈機箱型到爆機

電腦機箱設計到成個「核彈裝置」咁款,相信香港腦場冇乜邊隻Case型得過佢,機身前還具備多合一讀卡槽,而旁邊還可睇到機身內情況,可惜光碟機面板無得跟埋同一款設計,否則就更一流。

展會花絮

冰風水超頻比賽

「即場超頻」係每年《台》的戲肉,今次比賽細分成風冷、水冷同冰冷三組,真係唔講得笑。

太鼓之雙胞胎

日本有《太鼓之達人》,台灣都有呢款《中華鼓王》,相似程度,簡直有如雙胞胎!

肉緊新機介紹

BenQ推出新產品多之餘,重出動到台灣美媚,手口並用介紹新機新功能,真係講者、聽者都同樣「肉緊」!

傳單之迷宮

台北國際電腦展特色之一,搵靚女周圍去派傳單,不過迷宮一樣嘅場館設計,你都幾難搵到個攤位!