立法會泛民主派為咗個特首選舉搞到內訌，其實提唔提名民主黨主席李永達有乜所謂吖，事關達仔如無意外都唔會入圍㗎啦，大家重拗乜鬼呢？所以八方喺呢件事上都幾佩服長毛，事關佢喺泛民主派入面企得最硬，由始至終都話反對小圈子選舉，絕對唔會進行任何提名，當然佢更加唔鍾意泛民主派參選，間接為曾蔭權抬轎，事關煲呔都好高民望，民主派冇必要助佢一把，杯葛立場非常堅定。
至於同卿姐掀起罵戰嘅鄭經翰，噚日又再玩嘢，話如果泛民主派肯杯葛個特首選舉，唔提名唔投票，自己都唔會提名曾蔭權，實行同泛民主派再賭多鋪。八方問大班嘅言論係咪學自長毛，佢就梗係唔認啦。
傳真︰2623-9278
電郵︰[email protected]