李克勤本來滿心歡喜以為可以唱英格蘭球隊曼聯的會歌，兼且有機會與球星拍MV，但他昨日在灣仔出席耆英饑饉活動時，卻表示下月曼聯來港作賽的播映權已落在亞視手中，故作為無綫合約藝人的克勤，失望地表示計劃已告吹。
李克勤、張栢芝、方力申和容祖兒等，昨日在灣仔新伊館出席「耆英饑饉八小時」活動，他們唱歌表演為眾耆英打氣。方力申和關心妍更手拖手在台上做短劇。
「我冇理由幫亞視」
一向熱捧英格蘭球隊曼聯的克勤，昨日失望地宣布其領唱該球會會歌的機會已落空，他說：「本來一切進行得好順利，重諗住四月過去拍MV，我重知道安排咗幾個球星一齊拍，但點知個計劃hold住咗，我心諗可能因為佢哋俾人收購咗。」
克勤表示曼聯即將來香港作賽，但亞視購得比賽播映權，他說：「七月佢哋嚟香港，本來我會帶領大家唱會歌，同埋會去佢哋嘅晚宴，但𠵱家畀咗亞視播，冇辦法喇！我係無綫人，冇理由幫亞視，惟有放棄，係會失望，但只好以觀眾身份去睇。」
栢芝力撐小春
另外，張栢芝最近推出唱片，她表示在台上表演時，看到很多公公婆婆表現熱情，與自己的年輕歌迷無異。對於舊愛陳小春被指拍《頭文字D》時態度惡劣，所以被飛出宣傳活動，栢芝力撐小春說：「唔相信，佢好專業，專業到你唔相信㗎！我冇見過佢喺片場發脾氣，佢只會對住我先發，因為佢知點發我都唔會嬲。」
此外，祖兒於本月十六日生日，她表示已買了一隻六位數字的手表送給自己，又決定每年生日都會助養小童。她表示正日生日會與歌迷一起慶祝。
採訪：胡比
攝影：陳慧安
